Paano makakatipid ang Dep-Ed at mga Magulang sa Online Schooling,

Kung magagawa ng tama ng Dep-Ed at pagiisipang mabuti mas makakatipid pa ang Dep-Ed at ang mga magulang sa paraang online na pagaaral. Ano ang mga kailangang gawin ng Dep-Ed?

1.       Ang Dep-Ed ay dapat gumawa ng site for every grade, (Meaning Grade 1 to 12)

2.       Ang Dep-Ed ay gagawa ng centralize module for every Grade (Grade 1 to 12) iisa lang dapat para sa buong bansa.

3.       Pano ang Sistema? Pag Grade 1 ka sa Grade 1 ka mageenrol and once enrolled magkakaron ka ng access and password sa site ng grade 1, ganun din sa Grade 2 and so on.

4.       Ano ang makikita sa site? Centralized subject and lessons para sa lahat ng mag aaral sa bawat Grade.

5.       Pano malalaman kung talagang natuto ang bata? Every Saturday meron silang actual exam na gagawin sa mga schools kung saan sila located at enrolled, merong time and slot ka ng uupuan so ang mga bata ay aware na kailangan nilang matuto and makapasa sa pagsusulit and on time sa mga pagsusulit.

6.       Pano malalaman ang ranking ng mga magaaral sa klase? Para ma motivate ang mga bata na magaral ng mabuti, magkakaron ng Class Valedictorian, Salutatorian etc. and meron ding Municipal Valedictorian, Provincial, Regional and National Valedictorians with corresponding Rewards, recognition and privileges

7.       Pano makakatipid ang Dep-Ed bilang ahensya ng gobyerno? Dahil centralize na nga ang education system less manpower na ito, taliwas sa kinatatakutan ng mga teacher na maaring sa kanila mapunta ang burden at mga problema nito, dito mapapadali ang trabaho nila, maaring sa attendance na lang at exams sila magiging busy na minsan isang lingo lang  gagawin at siguro sila ang parang hotline ng bawat class na maasign sa kanila.

8.       Paano ang mga batang walang Computer, Smartphone or Gadget para maka access ng Internet? Dito pwedeng makatulong ang mga LGU’s Internet Café’s and Computer shops kung matatandaan napakamura ng rate ng rent sa mga computer shops, dito pwedeng i-tap ang mga shop owners para magturo na rin ng basic computer skills nakakailanganin din ng bawat estudyante pagdating ng panahon na kailangan na nilang mag apply sa trabaho dahil malamang puro computer na rin ang mga kagamitan pagka graduate nila ang maagang pagka expose sa mga computer skills ay malaking bentahe sa mga estudyante.

9.       Pano ang mga lugar na talagang walang Internet connection? Muli Malaki ang magiging papel ng bawat LGU sa aspetong ito, ang bayan ng Gapan sa Nueva Ecija ay nagsusulong na, na magprovide ng mura at mabilis na internet sa kanilang mga nasasakupan, kung kaya ng Gapan malamang kaya rin ng ibang bayan, Political will lang ang kailangan dahil pati naman ang kanilang lugar ay makikinabang din pag meron ng Internet signal sa kanilang lugar.

10.   Paano makakatipid ang mga magulang sa ganitong aspeto ng pagaaral? Napakasimple kahit nung wala pa ang Pandemic gumagasto na talaga tayo sa Baon, pamasahe at iba pang pangangailangan ng ating mga anak sa ganitong sistema ang kakailanganin na lang ng mga magulang ay siguruhing makakaattend ng Online classes ang kanilang mga anak at maka exam sa bawat nakatakdang pagsusulit, dito panatag ang kalooban mo na safe ang anak mo walang bullying or harassment na mangyayari dahil pwede mo naman silang bantayan at maging condition ng kanilang pribiliheyo ang standing or pagpasa nila sa klase.

11.   Ito ay ilan lamang sa mga suhestyon para maayos na makapagaral ang ating mga estudyante sa kabila ng Pandemic, hindi tayo dapat magpatalo sa takot, maging malikhain tayo sa pagharap sa Pandemic para lumipas ito na parang walang epekto sa atin bagkus nakabuti pa sa atin dahil natuto tayong lumaban sa kabila ng suliranin na ito sa buong mundo.

Tom N. Fabella

Freelance writer/

Businessman